Historikk, bakgrunn og mandat for Statens innkjøpssenter.
Statens innkjøpssenter blei etablert 1. januar 2016.
Vi har til saman brei erfaring både frå privat og offentleg verksemd. Vi har kjernekompetanse innanfor marknads- og reknskapsanalyse, innkjøp og logistikk, leverandørutvikling, regelverket om offentlige anskaffingar, kategoristyring og avtaleforvaltning.
Målet og samfunnsoppdraget vårt er «å få omstilling til å skje, ved å inngå og forvalte statlege fellesavtalar for statlege forvaltningsorgan i sivil sektor». Slike fellesavtalar vil vere aktuelt for avtaleområde der varer og/eller tenester oppfyller følgende krav:
- Stort volum, målt i kroner og/eller einingar
- Like brukarbehov, blant dei som omfattast av ordninga
- Generelle krav, med lite behov for individuell tilpassing
- Bidreg til økonomiske gevinstar
- Held oppe konkurranse i marknaden
Statlege fellesavtalar skal skape ein enklare og effektiv innkjøpskvardag for statlege innkjøparar, avroparar og bestillarar, samt hauste verdiar i form av auka ressursmobilitet og auka handlefridom hjå den einskilde verksemda.
Gjennom auka digitalisering, regelverksetterleving, behovsdekking, konkurranse og effektivisert utnytting av skattebetalarane sine kroner, skal DFØ/Statens innkjøpssenter, i samarbeid med statlege verksemder, støtte Regjeringa si satsing om «å fornye, forenkle og forbetre Noreg».