Energibruk

6 tips for energisparing

Datasenteret er eit bygg, eller eit større område i eit bygg, som er reservert for IKT-utstyr, serverar, backup, straumforsyning og sikkerheitssystem. IKT-utstyret er oftast serverar, datalagringssystem og datakommunikasjonsutstyr.

 

1. Skru av lyset

Datasenter er for det meste ikkje bemanna, og behovet for lys er lite:

• Installer automatisk sløkking og rørslesensorar for å regulere lys
• Bruk LED-lys som krev lite energi

2. Optimaliser kjøling

Serverar og maskiner produserer mykje varme og har behov for kjøling. Kjøling står for 30-50 prosent av energibruken i eit datasenter.

Mange datasenter vert kjølte ned til 21-24 grader, mellom anna for å auke levetida på maskinvara, basert på anbefaling frå leverandørar. I realiteten er levetida på dagens maskinvare såpass kort at temperaturen betyr lite. 27 grader er låg nok temperatur på kjølelufta, ifølge American Society of Heating, Refrigerating and Air-Conditioning Engineers (ASHRAE). Dei hevdar også at temperaturen på kjølingsvatnet kan aukast frå ca. 10 grader til nærare 20 grader.

• Bruk gratis kjøling utanfrå i staden for kompressordriven kjøling
• Lag eit fysisk skilje mellom "kalde" og "varme" sonar, tilsvarande kjøleområdet i matvarebutikkar

3. Vel energieffektiv maskinvare og straumforsyning

• Sjekk straumbruken på maskinvara og still krav om Energy Star
• Er det ekstern straumforsyning, vel lågast mogleg straumforbruk

4. Bruk om overskotsvarme frå maskinane

Datasenter lager store mengder varme, og det kan gi store gevinstar å bruke overskotsvarmen, til dømes til oppvarming av kontorlokala i den kalde årstida.

5. Konsolider og virtualiser serverar

• Konsolider gjennom å slå saman fleire serverrom til nokre få store datasenter
• Virtualiser gjennom å dele opp ei fysisk maskin i fleire virtuelle. Desse maskinane oppfører seg som fysisk ulike maskinar, noko som igjen gir plass- og straumsparing. Cloud baserer seg på virtualiseringsteknologi.

6. Mål og overvak energibruken

Energieffektiviteten til eit datasenter vert målt i PUE 0150 Power Usage Effectiveness. PUE = Total energibruk for datasenteret / IT-energibruken.

• Vi anbefaler kontinuerleg måling og benchmarking av energibruken på minimum den totale energibruken til serverane, men aller helst også separat måling av alle komponentane (server, kjøling, backup, annan maskinvare)
• Overvaking av serverar kan identifisere kva serverar som står på utan å vere i bruk (zero load), noko som kan vere så mykje som 70 % av maks energibruk.