CEN BII Workshop er underlagt CEN, eit Europeisk standardiseringsorgan
Difi har sidan oppstarten i 2007 bidrege aktivt i utviklinga av CEN workshop BII.
Første fase av dette arbeidet vart sluttført i desember 2009 med publisering av CWA 16073. Delar av CWA 16073 er lagt til grunn i PEPPOL og seinare EHF Faktura.
Fase 2 i CEN workshop BII har i perioden 2010 - 2012 foredla det opphavlege arbeidet. Dette arbeidet har lagt grunnlaget for det Europeiske BIS-formatet gjennom Open EPPOL som igjen har danna grunnlaget for EHF-formata til faktura, ordre, katalog og pakksetel.
Fase 3 i CEN workshop BII har hovudfokus på å understøtte dei standardiseringsinitiativa som kjem frå EU-kommisjonen. Det nye EU-direktivet har stort fokus på at tilbodsinnlevering skal skje elektronisk, og vil innføre eitt standardisert elektronisk fakturaformat. CEN BII3 har organisert seg mot 3 hovudområde:
- Infrastruktur
- Pre-award fasen (inkludert katalogformater)
- Post-award fasen (inkludert katalogformater)
Desember 2015 avslutta CEN BII arbeidet sitt med ein leveranse på over 130 dokument. CEN/TC 440 er oppretta for å vidareføre dette arbeidet ved vidareforedling og forbetring med eit endeleg mål å skape ein god og marknadstilpassa standard.